Enpleguari laguntzeko udal-zentroa da eta Sestaoko langabetuei nahiz enplegagarritasuna hobetu nahi duten pertsonei, ekintzaileei eta enpresei eskaintzen dio arreta. Lantalde profesionalaren bitartez, modu pertsonalizatuan informazioa, orientabidea, prestakuntza, aholkularitza eta lan-bitartekaritza eskura jartzen ditu.

Behargintzak honako zerbitzu hauek eskaintzen ditu:

Lan-orientabidea

Behargintzak aholkularitza eskaintzen die lana bilatu nahi duten herriko pertsona guztiei, edo lanbide arloan garatu nahi dutenei, honako eskaintza honen bitartez:

• Helburu profesionala definitzen.
• Lan-merkatuari buruz berri ematen.
• Curriculuma eta aurkezpen-gutuna egiten.
• Lan-merkatuan sartzeko bideak jakinarazten.
• Lan-merkatuan sartzeko ibilbide pertsonalizatua diseinatzen.
• Helburu profesionalarekin bat datozen prestakuntza-bitartekoen berri ematen.

Prestakuntza

Bere eginkizunen barruan, Behargintzak enplegurako prestakuntza eskaintzen du, inguruko enpresen eskariari erantzuteko erako prestakuntza emanez, batez ere honakoak:

• Ogibide bat ikasteko prestakuntza-ikastaroak, lan-zentroetan praktikak egiteko aukerarekin.
• Prestakuntza- eta enplegu-ekintzak; horietan ogibidearen ezagutza bereziak lortu ostean, programan eskaintze diren praktika-aldietan  gauzatzen dira, lan-esperientzia  jasoz.

Lan arloko bitartekaritza

Enpleguaren bila dabiltzan gure udalerriko pertsonen eta inguruneko enpresen artean bitartekaritza-ekintzak kudeatzen dira Behargintzaren bitartez.

Enplegu-eskaintzak udalerrian eta ingurune hurbilean kokatutako enpresekin zuzeneko harremana eginez sortzen dira. Helburua lan-merkatuaren beharrak betetzea da.

Gainera, Behargintzatik enplegu-proiektu desberdinak diseinatu eta abian jartzen dira eta horiei esker udalerriko langabetuen kontratazioa sustatzen da. Udalaren beraren diru-laguntza jasotzen dute beste erakunde batzuekin lankidetzan.

Enpresa-sorkuntza

Behargintzak aholkularitza eskaintzen die Sestaon ezarri nahi duten enpresa sortzeko ideiaren bat duten pertsonei, honako hauek eskainiz:

• Negozio-ideia heltzeko eta bideragarritasun-plana egiteko orduan, laguntza pertsonalizatua.
• Lagununtzen eta diru-laguntzen berri ematea.
• Enpresa abian jartzeko orientabidea eta aholkularitza.
• Enpresa-kudeaketan prestakuntza.
• Ekintzaileen ikasgela

Enpresentzako Zerbitzuak

Atal honen barruan, Behargintzak honakoak eskaintzen ditu:

• Enpresetarako laguntzen eta diru-laguntzen berri ematea.
• Enpresa-kudeaketarekin, berrikuntza-proiektuekin, informazio- eta komunikazio-teknologiekin, kalitate-sistemekin, lan-arriskuen prebentzioarekin, hondakinen kudeaketarekin, datuak babestearekin eta abarrekin zerikusia duten gaiei buruz informazioa eskaintzea.
• Enpresentzako informazio-aldizkariak aldiro bidaltzea: Sestao Enpresen Espazioa Buletina
• Enpresa Sestaoko on-line enpresen gidan sartzea.
• Udalerriko enpresetako langile eta enpresaburuentzat prestakuntza eskaintzea.
• Analisia, azterlana eta ikerketa.
• Merkataritzari zerbitzu berezia. Merkataritzaren Dinamizazio Bulegoarekin lankidetzan jardutea.
• Sestaoko Merkatarien Elkartearekin lankidetzan jardun eta laguntzea.
• Gai interesgarriei buruz ikastaroak, jardunaldiak eta mintegiak antolatzea.
• Langileen beharrak betetzeko hautagai egokiak aukeratzea.
• Enpresan praktikak egiteko eta lanpostuak betetzeko prestatutako pertsonak eskuratzea.